Suck多一點點 "女"字和"井"字

由細到大, 我的朋友都只教我

女字入面加一點係個""字,從來都未教過井字入面加一點係個"丼"字.
近幾年才知道後者大概意思是在碗中盛入三分之二的飯，再鋪上材料的蓋飯意思, 而前者的意思我想不用多說吧.

兩個字原本都是空心的, 中間加了一點, 就意味著兩樣物件都需要放東西入去, 將其填滿.
換個話說,  "女" 及 "井" 這兩個空洞的地方都是極度等待大家放置東西, 久而久之, 便有了""字及"丼"字的出現.

前事完, 今日去左呢間位於塔石附近的漁兵衛試佢個"丼". 門口成堆人排隊, 強烈建議大家去之前要Book台.

呢間野全場主要係食丼, 價錢由68至168不等, 份量夠晒大, 好多飯, 刺身尚算大片及新鮮. 小弟覺得飯跟刺身十分配合, 唯飯稍為軟一點. 男人都不大喜歡食軟飯.而在對面的J女郎覺得刺身比想像中來得少, 欠缺驚喜.(我心諗飯入面夾張抽獎卷咁夠驚喜未)

豪盛海鮮丼(Mop 88)

 

 豪盛海鮮丼鳥瞰圖

 

呢壺任飲既唔係茶, 係味僧湯, 個侍應咁遲至講,奶左野啦!

 

牛舌(Mop38)

2人餐費: 88 + 38+服務費

漁兵衛海鮮丼

地址: 澳門東望洋街萬豐花園地下 D 鋪

麻甩佬飯堂~食得喜

J先生路經雀仔園, 驟眼見到個標語"炮製住家菜"
嘩, 呢個畫面係幾多麻甩佬的夢想.

睇真d 原來係"炮製住家味道, 堅持無味精"...

我頂....
但也停下了腳步, 跟手點了個咸旦黃肉餅飯.

薄薄的肉餅覆蓋了成個飯盒, 基本上係可以啖啖飯都食到肉的黃金比例,肉餅味道唔太濃,配以咸旦黃, 自製醬汁令到肉餅味道昇華, 味道不錯.

食落感覺没有味精. 仲有其他住家菜式. 唯獨是個飯唔多夠熱.

有家的味道, 但没有家的感覺, 因為返屋企食飯係唔駛比錢的

價錢:38蚊
地點: (食得喜) 澳門雀仔園陳樂街1B

杏仁海綿體 Tiramuisu

呢個生日蛋糕除左好大獲咁寫錯壽星女個名做男人名之外, 其實都幾好食.

外層的朱古力皮, 再加上內層的淡淡的杏仁海綿體, 食落微甜而不膩.綿綿的口感.

建議吃入面的海綿體時, 要跟包在外的皮一起吃, 才會令到味覺去到另一個層次.

地點: CAFE FREE
價錢: 199

當J先生遇上他的根(Japas)

 

 今日J先生來到位於聖保祿學校對面, 澳門日報隔離條巷的Japas(根)餐廳.

 

呢度午市套餐只有三款, 十分合適選擇困難的朋友.

點完餐當然就去小個便洗個面, 以下是小弟的廁後感:

隱藏式的洗手間,沒有異味,大部份的設備都採用油壓式的物料, 令人在忙碌的生活中增添一份舒緩的感覺. 快要鳴金收兵之際,  洗手間部份的感應燈突然熄掉,幽暗, 輕音樂及淙淙的流水聲, 令人身心都得到解放. So refreshing.建議大家去前記得飲多d水體驗一下。

講返2個Set,用料都算講究,都配以溫泉蛋作點綴及梨子雪芭作結尾

黑安格斯牛肉片配溫泉蛋&蔥油飯(Mop78)

採用肉質紮實, 口感良好的安格斯牛, 配以洋蔥及油飯, 入口柔順，每啖飯撈埋洋蔥牛肉一齊食，味道不錯。

  

意大利黑松露, 鵝肝, 扇貝炒飯配三文魚子(Mop118)

坊間中午set較少用這個配搭，認真大膽。

炒飯勻"暈"， 每粒飯也有松露的味道，場內暗的燈光令我不小心吃了對面果位整片鵝肝。
整體十分惹味.

梨子雪芭
其實仲有好多位剩, 可以放個體積大D的雪芭落去, 呢個味道十分清新, 唔怕甜
食落去的感覺就好似食神入面李兆基在海灘高舉著白布,一直向前奔跑清新脫俗的感覺一樣. Nice.

 價錢: 78+118+service charge
 地點: 澳門區神父街241號八達新邨（泰興樓）地下

宵夜仲想食飯推介: 樂宮餐廳

收到友人鄧佬吹雞凌晨宵夜局  

一條濕滑既公路, 加上一個粗心大意既司機, 花了半個小時也想不到去邊度宵夜.然後我鼓起勇氣對佢說一句 “尿急呀屌你”

終於決定去舊葡京樂宮餐廳

 

 

樂宮,曾是後宮佳麗三千的快樂皇宮

"三千並不是佳麗價錢而是一個數量.是一個洐生出惜日繁花似錦,車水馬龍,胸湧浪接浪的量"

 

樂宮,曾是一個驛站

"是沙圈的一個休息站,  是讓不斷在出面渡步的馬匹及練馬師稍事休息的地方"

桃花依舊, 人面全非, 剩下的只是一個人手不足,服務時間至凌晨三點的告示牌.
第一次可以在這裡把精神集中在食方面,三人點了焗豬扒飯, 蟹籽三文魚炒飯及牛腩面.

豬扒香夾脆,番茄汁味濃而不怕重味, 炒飯色澤均勻干爽.

蟹籽三文魚炒飯,炒飯色澤均勻干爽, 好明顯同焗豬扒飯同一個飯底, 味道不錯.


牛腩面, 夠熱

想宵夜有正餐的份量及碟頭飯的享受可用一試.環境寧靜,吹水一流.


夜深了, 依然是冒著雨, 我示意那位粗心大意既司機前面停車便可.
另一友人九叔則說道," 唔得, 送柒送到西"
作為朋友來講聽到這句話是多麼的窩心.

若下次你的朋友跟你說"前面停車便可"
你也嘗試回應一句,
" 唔得, 送柒送到西"
相信我, 他一定感到無比的暖意.


特別鳴謝鄧氏伉儷為了補相給我而再去食多次

價錢:粗心大意既司機請
地點: 澳門舊葡京地下

葡潮光榮結業(2016.8.28)

2016年8月28日下午3：00, 服務半世紀的葡潮餐廳結業

繼葡京沙圈結業後, 又多一個葡京地點變成回憶的沙洲.

雖然不能見佢最後一面，但J先生在早幾日的晚飯時段懷愐一下， 小弟在葡潮最愛吃是兩面黃，食落鬆脆，配埋沙糖黑醋，帶比我的舌頭一幕幕的高潮。

點知去到佢話無，卤水拼盤無，雙棗無，凍魚無，唯有叫個紅米蛋白鈔飯同西蘭花吊片 。

以下是想食到的菜但是沒有，唯有用抽象式的後現代畫風呈現出來。

價錢：絕嚮美食是無價的

地址：回憶的後花園內

藕斷絲蓮的石鍋芝士豬軟骨拌飯

 

今日J先生在午飯的時候, 見證著一段藕斷絲蓮的關係

一對情侶點了一個飯: 石鍋芝士豬軟骨拌飯

 

當飯同芝士第一次分開的時候,  佢地之間有一段難捨難分的感覺(請看圖2)

要由第三者(銀羹), 舉至半米高才可把他們分離.

 

可見做第三者需有一定高的地位及要有銀羹(銀根),才可以將他們分離.

 

講返個飯, 豬軟骨係非常入味, 配以芝士,泡菜及沙津醬的催化, 彷如每一段關係一樣,都包含甜酸苦辣這幾種元素.

 

初頭食落覺得好好味, 但食到一半覺得有點滯, 因為裡面有不少肉.

如一段關係初時是美好, 走到一半時有太多的欲(肉)

令到雙方踏在邊際效用的線上, 每增加一單位所增加的額外滿足程度遞減

 

所以呢個飯最好2個人Share, 一齊分擔, 那可以保持著幸福飽肚的感覺及防止滿足程度遞減

   

價錢:68

地點: 澳門雅廉訪大馬路鳴門日本料理

 

 



 

 

上海鎮江肴肉(震肛肴肉)

今日J先生來到位於高士德的上海喬江菜館Lunch

其實本人對上海野是有一定程度的情意結, 回想中學時代唱K的時候, 都經常用"上海妹"這個名字來Book房. 

鏡頭一轉, 度叔的我梗係食中午套餐, 今日兩個人叫左一飯一面套餐. 

其實都幾多野的. 2個人食剛剛好帶點飽. 而埋單都係100蚊樓下.

鎮江肴肉,賽螃蟹,粟米羹,白飯,担担面,小籠飽, 前菜

上菜幾快唯獨是我最愛食的鎮江肴肉(震肛肴肉), 等到我肛都震埋至來,,大佬我仲有2啖飯等住佢. 午飯來講上菜快, 套餐配搭頗多.

價錢:94.5

地點:高士德上海喬江菜館

梅子可爾必思（妹子可以必屎）

妹子可以必屎 （梅子可爾必思）

好鍾意呢杯咁有詩意既飲品，夏天晚上飲開胃透心涼

童年回憶 ~ 安樂門肉絲撈油麵

 

今日講下位於祐漢的安樂門茶餐廳, 安樂門是我9毛都未出齊既時候經常去的茶餐廳, 舊址在台山, 一別已經差不多20年, 肉絲撈油麵食落依舊非常之順滑, 彷彿唔含住佢的話會真滑落個胃果度,味道不錯, 我想是因為加了回憶這個調味料落去.澳門越來越少這種老店了.

價錢: 23
安樂門茶餐廳

 

中國人食西洋菜(Seek Your Choice)

收到友人巨強的一通來電, 想邀請我比錢請佢食晚飯.咁多年既好朋友我一聽到呢個邀請就梗係立即拒絕佢. 到最後佢提出一國兩制的AA制, 我便就範了.

因為今餐唔係Lunch, 所以我地要將個Lunch 轉做廣東話既讀法. 今日食乜....諗啦.

咁佢就諗左去呢間位於南灣既西洋菜餐館(Seek you choice bistro), 呢間野主要係食新派既西餐, 以法國同意大利菜為主. 點左幾個大路菜式.

   

傳統法式春雞188

"嫩, 是十八歲卜卜脆既的嫩.  脆, 是八十歲骨都脆既脆."

雞非常之入味. 食落外脆內嫩. 雞肉嫩滑入囗帶肉汁, 沒有烤乾的感覺, 味道十分不錯

  

白酒蒜蓉白蜆128

白蜆的精華溶入白酒醬汁中, 白酒的醬汁又提高白蜆的鮮味, 白色的碟又盛載著水乳交融的白色配菜, 白酒白蜆白碟既白系組合,是多麼的配合.

返番來現實, 其實呢個菜係澳門通街都有, 但呢間餐館的蒜蓉白蜆, 本人覺得味道是十分之平衡, 幾種味道配合得來食落會有舒服既感覺, 就算個汁當湯咁飲晒都唔會有好口乾, 無口渴既感覺.唔錯唔錯

海鮮燴飯 268

足料,  大碟. 惹味, 差點食唔晒. 加埋其他菜的話建議4個人至叫.

  

  

智利葡萄酒

應該是串錯字, 也可能是智利文, 但希望下次去到改返

 

地點: 南灣澳門商業大馬路南灣半島地下

一間食公仔面的茶療

今日也是兩餐搭一餐既日子，幾間鋪頭都無開或無位，見門口寫住沙嗲牛肉公便隨隨便便進了這間餐廳。

甫一踏進店內便感覺有點不妥。

侍應： 先生，幾位？
我答1位
侍應：飲咩茶？

屌我心諗我想食個公仔面飲杯奶茶，點解變左飲普洱茶。中伏。我就對住門口，諗緊走出去與否之際，茶已經送上了。

原來這裡是一間有公仔面的茶療
我倒抽一口涼氣，既來之，則安之。

第一次一個人飲茶叫左牛肉球，珍珠雞.
味道正常，沒什麼驚喜。

但這種給人寧靜既飲茶感覺，同平時茶樓的聲浪是天淵之別，細心聽的話還可聽到廚房在兜牛河那種清脆的聲音。

這間店叫簡單生活，間格似茶餐廳，適合附近街坊想兩個人飲茶既地方。

原來簡單生活便是飲茶， 生活真係可以好簡單。

店鋪：簡單生活
價錢：38
地點：渡船街紅郵筒對面

還原靚靚拳 - 胡椒廚房燒三文魚拼雞扒飯

　　現今科技日新月異, Photoshop,修圖軟件的横行美化了整個社會. 無論人,物件或食物皆是.

就如一些年青的嫖客碰上相片跟事實不相符的情況時, 究竟怎樣調節自身心理及作出適時的反應呢?

 

小弟覺得, 智慧是經驗的累積, 遇多幾次便懂.

同樣道理套在食物身上, 圖片與實物差異的事件屢見不鮮

 

今日J先生與友人來到澳門路氹的胡椒廚房, 食呢個雙拚燒三文魚拼雞扒飯的同時, 令我想到上面的問題.

 

便找一下這個飯的官方照跟他的迎照對比一下, 還原度有八成, 仲差一部份就係廚師的還原靚靚拳未夠時間打或者功力未夠.

個飯一如以往夠晒香口, 惹味, 仲有環迴立體聲的聽覺享受, 配埋湯及汽水, 加上果位睇場哥仔會走過來同你吹2句水, 快餐店有吹水服務算是不錯了.

 

 

近照(2016-8-12)

 

官方照

 

價錢:好像是70幾

地點: Broadway pepper lunch

 

没有中伏的 "忠福" 麵館

 經友人黑仔介紹, 推介小弟去試一下位於三盞燈的泰國忠福麵館.  

 

我話:  下, "中伏"麵館?? 

佢話: 忠福麵館呀

我再話: 哦, "中伏"麵館 

 

於是J先生便去一試究竟, 店舖雖小但裝修企理. 便隨隨點了佢其中一個招牌麵

"牛展牛肉貴刁"

 

一來到梗係飲下頭啖湯, 嘩, 佢個湯非常之惹味濃郁, 牛肉味加上複雜的香料味, 結尾有甜味餘韻, 好特別, 令人一試難忘. 牛展牛肉味道不錯, 宏觀一點整體是醒胃惹味的感覺, 好味道. 可返啅的.

 

 

價錢: 36

地址: 澳門三盞燈生果街做制服巷仔內 

註: 店舖的CTM 訊號頗弱,客人可專注食麵